Ja das mal isch lang gange bis zum neue Blog aber ich ha im usland ke Daten mehr gha und ha entscheidet alles zäme z näh und nur noh eine z mache.
Im de Blog erlebt ihr üse ganze letzte Woche und die Heimfahrt.
Aber ja, wo semmer blobe? Ah ja…
Nach en Abig am Resti in Bušat (wo gar ned so guet gsi isch), hämmer fast alles start bereit gmacht, damit mer Früh abfahre chönnt und die Fähri nach Italie verwütsche.
6:00 geht de Wecker los, zit zum wach werde und abfahrt Richtig Vlora. Mer händ vo Durres nach Bari welle aber die Fähri geht 10 Std und Kabine mit Hund gibt keine verfügbar. Drumm hämmer entschiede nach Vlora für die Fähri nach Brindisi, die brucht „nur“ 5 Std. und mitem Quinn isch besser und bruchemer ke Kabine.
De Weg bis Mitte Albanie isch nix spektakulär und ehrlich gseit hät üs au ned e so gfalle und üs freut jetzt e Woche durch die Bella Italia z fahre 🙈.
2,5 Std im vorus bim Fähri acho, check-in erledige, mitem Quinn noh sini gschäftli erledige und ab uf de Schiff.
Mit 1 Std verspätung fahrt de Fähri ab und mer send unterwegs richtig Italia.
Nach de Pizza hämmer üs das Mal mit Park 4 Night loh helfe da scho dunkel und spät isch aber ganz ehrlich… hät au nüt gnützt weil alle nebeplätz sind zuegemüllt und ich rede vo Berge bis 2 m höhe Müll!! Traurig so was z gsehe.
Und im so en Platz hämmer ned welle schlofe.
Um 22:30 hämmer e camping gsehe wo logischerwis scho zue isch aber der nette Securitas hät e par telefone gmacht und nach 10min isch de Cheff für üs cho ufmache ☺️👍🏻.
Am morge hämmer entscheidet das mal wieder Zit isch e chli d Ferie z gniesse und ned nur Fahre. Also hämmer e guete Camping am Meer usegsuecht und dert gfahre.
Sehr schön da und kein Müll so wie in die andere Stränd die ufm weg bsuecht händ …
Da blibemer gern 2-3 Nächt 👍🏻☺️
Nächste stop ist ein Agriturismo in Abruzzo nähe Fossacesia zum abendesse und übernachten.
Mer send aber sehr früh dra also mer entscheidet en versteckti stück Strand z sueche und dort noh 2-3 std verbringe. Min Navi der, wie scho erlebt, immer in komischi strössli führt hat mir das mal auch uf ne schmale sandige Wegli gschickt, das mal aber gewollt und erfolgrich. Und taaack, semmer am ne schöne strand wo kein Mensch hät. Ganze Strand für üs.
Dort am Abig häts en wahnsin geile Apero ghä mit e kline Konzert und danacht en Abendesse wo mer üs komplett Satt gesse händ. Mer händ dort auf ne Wiese chönne parkiere und schlofe und am Morge noh en Tolle Frühstückgha. Das alles für 70€.
Das ist ein Musst See!! Viel Lüt, natürlich aber me muess einfach go. 39grad wasser, 😍😍.
Ich empfehle zum Camper Parkplatz z Parkiere, dert hät dann duschi weil me Stinkt nach de Bad in die Terme nach Schwefel 😂.
Dort send noh 2 Dütsche Junge gsi und am abig hämmer e chli ztüf im Glass gluegt aber mega lustig gsi ☺️☺️
🤔 fast ke Auto bim Parkplatz, cool hämmer denkt, sicher wenige Turiste. Bis mer gsehe händ das dort e Bahnhof hät 😂😂😂 jessesmaria die viele lüt 😂.
Aber schön isch es, würklich, mega herzige Dorf.
Mer machet noh e zwischenhalt vor de Grenze zum schlofe bevor mer ins Tessin gönd und zum Vater go Trubelese.
Am abig noh im Bellinzona bim Eidgenossische Volksfest und dann Mitte in die Trube go schlofe.
Am Morge hämmer dan mi Vater bim Trubelese gholfe wo auch noh mi Grossi mit 98i noh verbi cho isch 😍, sehr guet mittagesse gha und dann ab wieder nach Luzern.
Über de Gotthardpass gfahre wegem Stau und dann noh 1 Std Stau kurz vor Luzern 🙈
3 Woche und nur e Nacht regen isch en SUPER bilanz 👌🏻
4426 km und 100 Std gfahre. Sind wunderschöni Ferien gsi und mer händ unglaublich viel erlebt und gsehe.
Ich hoffe mer händ euch alle e chli unterhalte chönne und danke noh an alle die uns gfolg händ.
Liebi Gruess
Daniela, Quinn und Tommy
Kommentar schreiben